Info Praia

Oji ê 14 di Fevrêru: Data konshedu pa ser más romantiku dia nu – Dia di Namoradu

Oji ê dia di namorádu ô dia di Son Valentim ki lénda ta fla ma éra um sántu ki vivi na témpu d´impériu rumánu n´ánu 269.

Imperador Claudio II éra kóntra kazaméntu e pádri Son Valentino ta casába guêntis na segrêdu – pur issu ê kondenadu a morti dia 14 di fevreru di 269. Fladu mê disruspeta lei ki ka ta aprovaba kasamentu di tropa ki staba na guerra.

Góssi data fika ta kumimoradu na munti país pa silêbra uniôn amorosu entri kazal. N’alguns país tambê data ta sirvi pa silebra amizade, entri amigus.

Na Praia FM
Pa silêbra amor, durante ês mês di Fevrêru, tudu ouvinti podi pidi pa obi, durante programa Góssi bo kê DJ, músika ki más marka êl ku sê xuxu. Músika pôdi pididu na página di 94.1, na Facebook, ô através di 261 63 56. Tambê pôdi manda e-mail pa atendimento@praiafm.biz e silêbra sentimentu más puru e sublime: AMOR!