Show di Bola

Gelson Martins mostra solidariedadi ku si kumpanheru e amigu Rubem Semedo

Gelson Martins, di Sporting di Purtugal, skrebi um mensagi na kriôlu – língua ki ta uninu – pa mostra solidariedadi ku si kumpanheru e amigu Rubem Semedo, ki sta pasa pa um momentu difisil di si vida.

Djugadôr mostra mensagi, ki ta flá Cu bo te fim de mundo, dipôs kê marka gôlu ki dá vitória di Sporting pa 1 – 0 kontra Moreirense.

Dipôs di didika gôlu pa si konterrâniu, Gelson toma sugundu amarelo – pamodi ê duspi kamisa oficial di Sporting – e assim ê ta fika sem djuga sexta-fêra kontra Porto.

Trenadôr Jorge Jesus bai pa bankada djuntu ku kabu-verdianu, ki sa ta txoraba. Jesus flá ma atleta imusiona e ku Rubem Semedo na korasôn ê oferesêl gôlu sem pensa na ôtu konsequênsia.

Na tudu si karrêra ê pruméru béz ki Gelson sa ta spulsadu e keli sa ta ser si midjôr temporada, em termus di gôlu – djê marka 11.