Show di Bola

CAN: Tubarões Azuis ta djuga ku Moçambique num djogu ki vitória é impurtanti pa avansa na kumpitisôn

Silesôn Nasiunal di Futiból Sénior Maskulinu ta djuga oji ku silesôn di Moçambique. Djogu stá markadu pa 1 óra di tardi, horariu di Kabu Verdi.

Ikipa lideradu pa tékniku Bubista stá fokadu na gánha djogu di oji pa podi avansa na kumpitisôn.

Na si pruméru partida Tubarões Azuis ganha Ghana pa 2 – 1 e “Os Mambas” impata 2 igual ku Egipto.

Kabu Verdi stá lidêra Grupu B ku 3 pontu. Moçambique e Egipto ki impata 2 igual stá ku 1 pontu kada e Ghana inda ka pontua.

Tubarões Azuis ta volta entra kampu sugunda fêra ki sta bem kontra Egipto, vice-kampiôn afrikanu.

Keli ê 4ª partsipasôn di nos silesôn na kampiunatu afrikanu di nações.