Show Bizz

Músiku kabu-verdianu stá pripara um nóvu disku pa 2018 – um trabadju cheiu di amor

Jovem artista e produtôr kabu-verdianu Maicam Monteiro tem programadu pa Fevreru di 2018 lançamentu di um nóvu CD/DVD.

Tudo por amor ê títulu di trabadju ki ta lansadu spisialmenti pa dia di namorados e ki ta bem ku 14 músika na stilu: funaná, kizomba e zouk.

Jorge Neto, Tony Fika e Tulex, ê kês artista ki ta djunta ku rapazinhu di Santa Cruz na produsôn temantiku.

Di si nómi di igreja Maicam Jorge Mendes Varela Monteiro, kantôr nánsi dia 21 d’outubro di 1985 na salina – Santa Cruz e ku 13 ánu ê bai vivi na Purtugal.

Lá ê forma na Inginharia Agrónoma e dipôs ê fazi mestradu na Produsôn Agríkula Tropical e Sugurança Alimentar.

Ê kumêsa dá ses pruméru passu na mundu músika kantu ê lansa djuntu ku Legemea e ôtus artista kompilasôn Projeto Senhar e Ser na 2010.