Info Praia

Nêss Dia Internasiunal di Família, grandi família Praia FM komplêta 19 ánu

Oji ê Dia Internasiunal di Família e grandi família Praia FM komplêta 19 ánu di sucessu e liderança

Pruméru imisôn di Rádiu kuntisi dia 15 di Maio di 1999, num sexta-fêra pa quatu óra tardi.

Praia FM ê pruméru rádiu na país ki kumêsa fazi imissôn na kriôlu ku lema Nôs Povu – Nôs Musica – Nôs Kultura – Nôs língua – na 1º lugar.

Dia di família na Praia
Situasôn di família ê tema di um konfrênsia ki ta rializadu oji na Praia pa consciencializa sobri influênsia ki família pôdi tem na sociedade.

Inkontru tem komu foku kistôn ki ta permiti fortalêsi família sima inxina fidjus na ser bom influencia pa sociedadi e kontriui pês midjôra sês kumunidadi.

Tambê pa silebra êss Dia Internasiunal di Família ta ser analizadu dizafiu específiku di família kabu-verdiana ku distaki pa kistôn di família monoparental.