show

Kabu Vêrdi subi um lugar na Ranking di Fifa – pruméru divulgadu dipôs di vitória di França na mundial

Kabu Vêrdi subi um lugar e góssi ê stá okupa pusisôn 64 na pruméru Ranking di Fedrasôn Internasiunal di Futiból divulgadu dipôs di vitória di França na mundial.

Entri kês país di língu purtuguês, Kabu Vêrdi stá na 3º lugar – ê stá traz di Brasil e Purtugal.

França ta lidêra ranking mundial, siguidu pa Bélgica, Brasil, Croácia, Uruguai, Inglaterra, Purtugal, Suíça, Spanha e Dinamarca.

A partir di góssi stá uzadu um novu método di cálculo pa ilabora ranking – góssi ta fika ta dadu más pezu pa djogu oficial pa evita manipulasôn e pa tudu sileson podi tem mésmu oportunidadi di subi na klassifikasôn.