Show Bizz

Afrima 2018: Djodje stá nomiadu na dôs katguria di edisôn dêss anu di prémiu afrikanu

Músiku e produtôr kabu-verdianu Djodje stá nomiadu na kintu idisôn di All Africa Music Awards – Afrima – na dôs katiguria.

Djodje stá nomiadu pa Midjôr Artista Maskulinu d’ Áfrika Ocidental e Midjôr Artista Duo ô Grupu di R&B e Soul na África ku músika Be Mine gravadu djuntu ku Patoranking.

Votasôn djá stá abertu na site di eventu e konkursu kompostu pa 36 katiguria – 10 regiunal e 26 kontinental.

Kantôr ki si nómi d´igrêja ê Fernando Jorge Marta da Silva kumêsa na músika désdi mininu na grupu TC. Rapázis fazi sês pruméru partisipason na Prujétu Verôn 2001 ku sussésu Si Bô Krê Voltá e dipôs ês konbidádu pa idison 2002 e 2003.

Si karrêra kontinua na disku Cabo Verde Les Autres di 2002 e na CD Minis di Heavy H ku músika Sexy Lady.Na 2006 ê lánsa si pruméru disku a sólu kê dâ nómi di Sempre TC.

Oji kum produsôn constante, Djodje djá kanta na munti festival e eventu na Kabu Verdi e na strangêru e tambê djê fazi parceria ku munti artista. Tambê, um di kes artista ku más siguidôr na rêdi susial tem si propi gravadôra – Broda Music.