SARA TAVARES – BRINCAR DE CASAMENTO

Brincar De Casamento ê un duetu di Sara Tavares ku Toty Sa´Med gravadu na si kintu disku Fitxadu. Além di Toty Sa´Med kantora també konbida pa partisipa na trabadju Manecas Costa, Nancy Vieira, Kalaf Epalanga, Virgilio Varela y Princezito.

Fitxadu trazi 11 músika, sugundu artista kel trabadju li ta fitxa um siklo ku tudu kapitlu y kumesu dum novo siklo.

Sara Tavares ê kantora, kompusitora y guitarrista fidju di pais kabu-verdianu ki ta vivi na Purtugal. na 1193 ku 16 anu ê ganha final di konkursu Chuva De Estrela di SIC undi ê kanta músika di Whitney Houston. Na 1993 ê konbidadu pa partisipa na Festival RTP Da Canção y ê kanta Chamar A Música undi ê dadu pontuason máximo di juri.

Na 1996 ê lansa si prumeru disku Sara Tavares And Shout ki tevi kolaborason di Coro Shout. Na 1997 ê grava músika Longe Do Mundo pa filmi O Corcunda De Notre-Dame ki konsideradu midjor dublagi di tudu tempu.

N´Expo 1998 Sara Tavares partisipa na spetáklu di tributu pa Gershwin djuntu ku Rias Big Band Berlin,

Na 1999 ê grava si sugundu disku Mi Ma Bô undi bem ku músika ki ta fazi fuson afro-pop-soul, ku es CD ê ganha disku di oru. Balancê ê nomi di si triseru disku ki sai na nuvembru di 2005, foi também disku d´oru y di platina y konsideradu um di kes midjor CD lansadu na kel anu.

Na 2008 ê lansa DVD Alive In Lisbon y na 2009 ku si disku Xinti ê ganha prémio di Midjor Voz Feminina na prumeru idison di Cabo Verde Music Awards y também ganha Prémio karrera di África Festival 2012, n´alemanha.