Show Bizz

Ministériu di Kultura sta da mil kontu pa prujetu EnPalco100Artistas

Artista kabu-verdianu ki ta vivi na país, sta bem risebi apoiu di Ministériu di Kultura pa sis atuason on line duranti pandemia di covid 19.

Através di edital EnPalco100Artistas, kes selesiunadu na diferenti área kultural ta risebi 10 mil skudu, pa sis performance di 15 a 20 minutu.

Prujetu ki sta kusta Ministériu di Kultura mil kontu, konta ku serka di 143 inskritu, 13 na arti plástika, 85 na músika, 13 na dansa, 3 na área di Puesia e Litratura, 7 na Stand Up Comedy, 9 na tiatru e 13 na katiguria Deejays.

Di kes 100 selesiunadu, 50 é di Santiago, 30 di Sonvisenti, 7 di Santanton, sinku di Boavista, sais di Sal e 2 di Fogo.