Info Praia

Pessoas ku novu coronavirus na Praia sta risebi tratamentu na Skola di Hotelaria e Turismu

Residensia di studanti di Skola di Hotelaria e Turismu di Kabu Verdi sta risebi pessoas infetadu ku novu coronavirus, na Praia.

Di kes 33 duenti identifikadu ti gossi na kapital, 11 dja sta na spasu pa risebi kes kuidadu nisessáriu.

Sugundu dilegada di saúdi di Praia, Ulardina Furtado, tudu kes pasienti ki sta lá inda ka teni sintomas, mas é kazu pusitivu ki ta mesti di alguns kuidadu e akompanhamentu di ivuluson di duensa.

Kabu Verdi teni ti gossi 88 kazu, 52 na Boavista, 33 na Praia , 1 na Son Domingos, 1 na Tarrafal di Santiago e 1 na Sonvisenti.