Show Bizz

Suzanna Lubrano prontu pa ritoma karrera dipos dum tempu paradu

Kantora kabu-verdiana Suzanna Lubrano dja sta na studiu ta pripara si sextu disku di karrera ku privison di lansamentu pa dia 10 di Nuvembru. Nha Vitória é ultimu disku di artista lansadu na 2015.

Kantora ki tevi ki afasta di palku pa motivus pessoal, sta nes mumentu ta trabadja ku produtor Spencer Barry, ki fika famosu pa integra grupu holandes di pop e R & B, Romeo.

Suzanna Lubrano kumesa si karrera ku 18 anu di idadi ku lansamentu di si disku, Sem Bo Nes Mund, na 1996. Artista ki dja kustuma ganha um di kes maior prémiu di musika afrikanu, Kora Awards, é txeu konxedu na munti país di Áfrika e Oropa pa sis grandi susessu.