Show Bizz

Pa prumeru bez Óscar sta nomia filmi sem streia na sinema

Disison di Akademia di Arti e Siensia Sinematógrafiku é pa djuda ultrapassa krizi na sinema pamodi pandemia coronavírus.

Novu regra ta abrangi dukumentáriu, ki pa prumeru bez, podi konkorri pa Óscar si for selesiunadu pa doz di kes novi festival di non fixon na mundu.

Lista ta inklui festival di Berlim, Son Francisco, Sudance, Tribeca, CPH:DOX, Full Frame Documentary, Hot Docs Canadian International, South by Southwest e True/False.

Dukumentáriu també podi konkorri pa Óscar, desdi ki ganha um di kes 52 prémiu atribuidu na 36 festival di mundu.

Kes novu regra li ta sirbi só pa 93 idison di iventu markadu pa dia 28 di Fevreru di 2021, na Los Angeles.