Info Praia

Santiago e Boa Vista benefisiadu ku kuasi 400 toneladu di alimentu duadu pa Ficase.

Fundason pa Ason Susial Skular dja intrega serka di 52 mil kontu di kompra pa Kambra di Santiago e Boavista, pa distribui pa familias ki sta passa difikuldadi, duranti priudu di covid 19.

Alimentu ta distribuidu pa 10 munisipiu di kes doz ilha, serka di 16 mil familia selesiunadu através di Kadastru Susial Úniku, sta bai risebi sesta básika.

Keli é sugundu fazi di Prugrama di Assistensia Alimentar, kordenadu pa FICASE e ixikutadu pa Kambras num parseria ku Dilegason di Ministériu di Idukason e otus parserus di Guvernu di Kabu Verdi.

Na prumeru fazi, além di kumida guardadu na armazen e skola, FICASE invisti serka di 62 mil kontu, un sforsu adisional di serka di 50% na Orsamentu di Prugrama Nasiunal di Alimentason Skular.