Show di Bola

COC konbida Isménia Frederico pa um live sobri si xpriensia na Djogu Olimpico

Kumité Olímpico Cabo-verdiano sta prumovi oji um konversa abertu ku presidenti di Kumison di Atleta Olimpico, Isménia Frederico.

Inkontru ta fazi parti di prugramason di Mês Olimpiku ku lema Disportu e olimpismu como filosofia di vida.

Tema di live markadu pa es tardi na Facebook é Unidos pa Espirito Olímpico, undi atleta olimpika kabu-verdiana, ta fala sobri si karrera e insentiva prátika di disportu, sempri ku valor ke ta karrega di xpriensia di Djogu Olimpico.