Info Praia

Emprofac dja garanti stoki di máska e álcool gel ti mês di Sitembru

Impresa Nasiunal di Produtu Farmacêutiku teni maska sirugiku e álcool gel, sufisienti pa abastesi merkadu nasiunal pa kes próximu três mês.

Informason é di prisidenti di konsedju di adminsitrason di impresa, Gil Évora, ki fla ma nes mumentu impresa teni serka dum milion e 500 maska sirurgiku e mas di 40 mil kumunitáriu importadu.

Emprofac inda ta risebi pa simana serka di 67 mil maska kumunitáriu fetu pa produtor nasiunal.

Nes mumentu, sugundu Gil Évora, sta 12 impresa sertifikadu na Santiago Sonvisenti e Santanton ki sta pruduzi kes maska.

Dja álcool gel, Emprofac ta risebi 3 mil e 500 frasku di 250 ml pa dia, furnesidu pa Inpharma, ki ku covid 19 triplika si produson.

Inpharma inda ta produzidu frasku di 500 ml e di 1000 ml di álcool gel e otu soluson dsinfetanti, distribuidu pa impresa e sirbisu públiku.