Info Praia

Orgãos sta bem tem pa prumeru bez sirbisu di táxi

Kambra Munsiipal di Son Lorensu na Orgãos dja lansa konkursu públiku pa dá 10 lisensa di Táxi, pa garanti sirkulason di pessoas e bens na konsedju.

Sugundu sekritáriu munsipal, João Veiga, di li dôz a três mês munsipiu ta tem sirbisu di táxi ta funsiona.

Sirbisu di táxi na Son Lorensu na Orgãos, debi midjora kiston di siguransa na transporti di passageru entri konsedjus di interior di Santiago, ki normalmente ta sirkula na karru di kaxa abertu.