Show Bizz

Ferro Gaita fazi oji 24 anu di karrera e spetáklu di kumimorason sta markadu pa sábadu

Grupu Ferro Gaita fundádu dia 22 di Julho di 1996 ta kumimora oji 24 anu di karrera e pa silebra data es teni markadu um spetáklu online pa sábadu.

Show di kumimorason ta kuntisi na facebook di grupu e é di grasa pa tudu kenha ki kre sisti.

Atuason ta kumesa 5 ora di Kabu Verdi e parti tekniku é asseguradu pa CV Telecom, Prisma Vídeos e Marius Produções.

Duranti sês perkursu djes grava 7 disku: Fundu Baxu di 1997, Rei di Tabanka di1999, Rei di Funaná di 2001, Bandera Liberdádi di 2003, CD/DVD Finkádu na Raiz di 2006, Cidade Velha di 2008 e Festa Fora di 2015.

Dja passa pa grupu formadu pa Iduino, Bino, Manel, Pitó, Carlitos, Lobo e Betinho txeu nomi di músika di Kabu Verdi sima Phil Bass, Chando Graciosa, Paulino, Jorge Pimpa, Adão Brito, Zé Mário e Edson Dany.