Show Bizz

Artista kabu-verdianu nomiadu pa Angola Music Awards

Djodje e Soraia Ramos sta nomiadu na Angola Music Awards na katiguria Midjor Musika PALOP, um di kes nobidadi des anu.

Djodje sta konkorri ku musika Atrevido e Soraia Ramos risebi nomiason pa si prumeru tema ku letra na kriolu, Bai.

Inda na mesmu katiguria sta nomiadu Calema, dupla santomense disendenti di kabu-verdianu e kantora guineense Yasmin, el ki tem avô na Kabu Verdi.

7º idison di Angola Music Awards ta konta ku serka di 123 artista e grupu nomiadu na 26 katiguria. Iventu sta markadu pa dia 7 di Nuvembru, na Luanda, Angola.