Show Bizz

Festival di sinema Plateau ku mas di 500 inskrison e 41 filmi na kompitision

Sétimu idison di Festival Internacional de Cinema di Praia ta kuntisi es anu di 26 ti 29 des mês. Organizason risebi 524 inskrison di munti país e entri es, 13 filmi nasiunal.

Selesiunadu 41 filmi pa kompitison, 16 kurta di fixon, 18 kurta dukumentáriu, kuatu longa di fixon e três longa dukumentáriu.

Kes kuatu filmi nasuinal ki skodjedu pa ixibison é kurta fixon: A Destruição de um lar di Che Gonçalves e A Menina do vestido azul di Nelson Custódio. Kurta dukumentáriu é FIC DADECI di Lara Plácido e longa dukumentáriu Manuel d’Novas-Coração de Poeta di Neu Lopes.

Sta partisipa na sétimu idison di PALTEAU filmi di realizador di Kabu Verdi, Brasil, Portugal, Moçambique, Argentina e Senegal ki ta ixibidu na página di iventu na Facebook.