Info Praia

CNDHC sta pripara gistor públiku pa trabadja ku Direitu Humanu na Kabu Verdi

Kumison Nasiunal pa Direitu Humanu e Cidadania (CNDHC) ta prumovi di 18 ti 20 di Nuvembru, um formason online sobri indicador di Direitu Humanu e di Objetivu di Dsenvolvimentu Sustentável (ODS).

Kursu é pa gestor di programa, diretor geral di planeamento, orsamentu e giston di ministériu e tékniku di organismu públiku ki ta trabadja na produson di dadu sobri Indikador di direitu Humanu.

Objetivu é leba pa partisipanti kunhesimentu sobri tema di formason e djudaz midjora sis forma di trabadja ku Direitu Humanu na Kabu Verdi.

Iventu ki konta ku parseria di Sistema di Nações Unidas na Kabu Verdi é mnistradu pa spesialista di Altu Kumissariadu di Naçoes Unidas pa Direitu Humanu.