Show Bizz

Filmi Vitalina Varela podi sta entri kes nomiadu pa Óscar di Midjor Filmi Internasiunal

Dipos di Akademia di Sinema di Merka rijeita kandidatura português ku filmi Listen, gossi é bez di produson Vitalina Varela tenta nomiason pa Óscar di Midjor Filmi Internasiunal.

Listen foi prumeru opson di Portugal dipos di lidera votason entri membru di Akademia Portugues di Sinema.

Vitalina Varela di realizador português Pedro Costa, streia na Agosto di 2019 na Festival di Sinema di Locamo, na Suiça, undi é konkista prémiu di Leopardo di Oro e Leopardo di midjor interpretason femininu.

Filmi protagunizada pa kabu-verdiana Vitalina Varela ta konta stória dum mudjer ki passa grandi parti di si vida ta spera bai vivi ku si maridu, ki ta staba Portugal. Vitalina kaba pa txiga Oropa três dia dipos ki si kumpanheru interadu.

93 idison di Óscar sta markadu pa dia 25 di Abril na Merka e kes nomiadu ta konxedu na mês di Marsu.