Info Praia

Kabu Verdi distinguidu pa ONU como país kampion na áfrika na área di igualdadi di géneru e VBG

Entri kes fator ki kontribui pa distinson di Kabu Verdi, Nações Unidas distaka stratégia skodjedu pa ivita perda di alguns konkista kunsiguidu ti gossi na área di igualdadi di géneru e fazi ki kazu di violênsia basiadu na géneru ka aumenta sima na otus país afrikanu.

Nações Unidas inda leba em konsiderason, ason di ICIEG e parseru na montagi di infra-strutura di apoiu e akulhimentu pa vitima di VBG, kumunikason basiadu na kultura di tolerânsia, divison di tarefa di lar, linha SMS 100, maska 19, involvimentu di kumunikason na prusessu e aposta na maskulinidadi.

Pa Presidenti di Institutu Kabu-verdianu pa Igualdadi di Géneru, Rosana Almeida, distinson ki ta abrangi també país sima Senegal, Nigéria e Cote D’Ivoire é um grandi privilégiu pa instituison.