Show di Bola

Atletas veteranus Txutxula e Jove ominageadu na 13º idison di Kurrida di Liberdadi

Txutxula e Jove é kes ominageadu di 13º idison di Kurrida di Liberdadi markadu pa dia 13 des mês, na Praia.

Kes doz riferensia di atletismu kabu-verdianu, ta subi palku di iventu organizadu pa Kambra di Praia e Federason Kabu -verdianu di Atletismu pa risebi truféu di rikunhesimentu pa anus di kurrida e si inspirason pa jovens atletas.

13º Kurrida di Liberdadi ta konta ku serka di 2 mil atleta, ki sta riprisenta tudu rigion disportivu di país.

Além di prova na 100 metru, na disportu adaptadu maskulinu e femininu, tem també prova di strada e di pista.

Prémiu monitáriu ki ta bai di 5 mil ti 50 mil kontu ta kontempladu ku midália, truféu e otu recompensa pa atleta distakadu.