Info Praia

Kambra di Tarrafal dja kria imbaixador di diáspora pa midjora rilason ku imigranti

Ideia surgi duranti inkontru ku imigranti pa okasion di festa di Dia di Munisipiu e di santu padrueru, Santo Amaro Abade, ki ta silebradu dia 15 des mês.

Prujetu di nomiason di imbaixador di diáspora munisipal é um forma di kria um rilason entri imigranti e kambra e da risposta mas rápidu pa alguns nisissidadi di kumunidadi.

Kes imbaixador sta bai riprisenta kambra na prugrama kes tem pa xterior, na parseria ku otus kambra na strangeru, ONG internasiunal e ku assusiason di propri imigranti kabu-vedianu.