Show Bizz

Dukumentáriu sobri vivensia e obra di Manel d’Novas ta ixibidu es simana na Praia

Sentru Kultural Portugues di Praia, ta ixibi a partir des kinta- fera, dukumentáriu “Manuel d’Novas – Coração de Poeta”.

Sisson ki ta termina dia 23 des mês, ta konta ku prisensa di rializador e produtor di filmi Neu Lopes, fidju di Manuel d´Novas.

Dukumentáriu “Manuel d’Novas – Coração de Poeta” ta trazi depoimentu di mas di 40 alguem, entri músiku, sosiólogu, pulitiku, familiar e kunhesidu, ki tistimunha vivensia, obra e kontributu ki Manuel d’Novas dá pa músika e kultura di Kabu Verdi.

Manuel de Jesus Lopes mas konxedu pa Manel d’Novas, nâsi dia 24 di Dizembru di 1939, na Penha di França, na Santanton e morri dia 22 di Sitembru di 2009, na Sonvisenti.