Show Bizz

Elida Almeida dja marka live na Facebook pa prisenta si novu disku ku transmissôn na página di Praia FM

Elida Almeida ta prisenta dia 29 des mês, num live na Facebook, si mas novu disku GerasoNobu. Show ta transmitidu na página di Face di Praia FM, a prtir di 6 óra tardi, horáriu di Kabu Vêrdi.

Spetáklu ki txoma Longi di palku, pertu di públiku ta ser gravadu na Portugal, num spasu undi dja kustuma atua famosu grupu português, Xutos e Pontapés.

GerasoNobu ki txiga merkadu na Nuvembru di anu passadu, só txiga di aprisentadu num show di kantora na Luxemburgo.

Disku ki ta trazi kaminhada di Elida Almeida desdi di si infânsia, ta passa pa si adulisensia, e ti dia di oji, ta bem ku 13 músika.