Kurrida Febreru Son Domingos ta ranka es anu ku prémiu total di 216 mil kontu

Kambra di Son Domingos teni markadu pa dia 31 des mês, 1º idison di Kurrida Febreru e inskrison dja sta abertu na Sentru di Impreendedurismu Jovem di lukalidadi e na Delegasia di Midju Branku.

Prova ta kuntisi na katiguria junior, senior e atletismu adaptadu, tudu na fimininu e maskulinu. Na katiguria Junior, atletas ta korri 5 kilometru, na senior oitu kilometru.

Organizason sta spera partisipason di serka di 100 atleta e premiu total na tudu katiguria é di 216 mi kontu.