Show Bizz
Dukumentáriu sobri Tabanka selesiunadu pa Mostra di Obra Audivisual na México
28 Jan 2021 @ 11:13Dukumentáriu Tabanka ka ta kaba di antropóliku visual kabu-verdianu Carlos Alberto Barbosa, selesiunadu pa triseru Mostra Internasiunal di Obra Audivisual sobri Patrimóniu Kultural Imaterial, ki ta kuntisi di 25 ti 28 di Marsu, na México.
Keli é sugundu filmi, produzidu na 2017, skodjedu pa tékniku di Institutu di Patrimóniu Kultural pa konkorri pa festival e Dukumentáriu Tabanka ka ta kaba é 1º dukumentáriu kabu-verdianu ta partisipa na iventu.
Mostra Internasiunal di Obra Audiovisual sobri Patrimoniu Kultural Imaterial kriadu ku objetivu fortalesi pulitika kultural pa prumovi kriason, produson, distribuison, asessu a benz e sirbisu kultural.