Show Bizz

Novu campus di Universidadi di Kabu Verdi dja sta prontu

Prujetu finansiadu pa China, ta fika na Palmarejo Grande, na Praia. Obra ki kumesa na 2017 sta previstu pa sta prontu na Julho di 2020, ma pamodi pandemia tevi atrasu di um anu.

Novu campus di Universidadi di Kabu Verdi ta bem resebi 4 mil 890 studanti e 476 prussor na 61 sala di aula, sinku auditóriu ku kapasidadi pa 150 lugar, oitu sala di informática, oitu sala di leitura, 34 laboratóriu, salon multiusu, ku kapasidadi pa 654 lugar, refeitóriu, biblioteka, dormitóriu e spasu disportivu.

China gasta 45 milion di euro pa konstrui novu kampus di Universidadi di Kabu Verdi.