Show Bizz
Imbaixada di Kabu Verdi na Portugal dja agenda sisson di kontu infantu- juvenil pa silebra Dia di Kultura na CPLP
11 Maio 2021 @ 10:53Imbaixada di Kabu Verdi na Portugal e Sentru Kultural di Kabu Verdi ta organiza dia 14 des mês, um sisson di kontu infantu-juvenil di Kumunidadi di País di Lingua Portugues (CPLP).
Iventu é pa silebra Dia di Lingua Portugues e di Kultura na CPLP e Dia Mundial di Lingua Portugues, silebradu 05 di Maio.
Sta prugramadu ixibison di três bloku di vidiu di kontu infantu-juvenil ô stória tradisiunal di país di CPLP, através di meiu digital di CCCV e di CPLP kontadu pa propriu autor e kontador sima, Fernando Kawendimba, Benita Prieto, Adriano Reis, Kátia Casimiro, Luís Castro Patraquim, Rosabela Afonso, Conceição Lima, Pedro Maurício Okomo e Zé Camarada.
Dia 15 des mês també sta markadu inogurason di xpusison koletivu Arte na Lusofonia ku pintura e skultura di artistas di CPLP.