Show Bizz

Ta ranka oji 5º Resensiamentu Geral di Populason e Habitason

A partir oji, serka di 110 supervidor a nível nasiunal, 1.635 resensiador e kontrolador ta sta na terrenu pa resensia tudu alguém ki sta na Kabu Verdi di 16 ti 30 di Junho, príudu di referência pa rikodji dadu.

Inda 28 agenti administrativu na tudu konsedju di país, 26 jovem di área di teknulugia e informátika kontratadu pa apoia tudu prusessu di utilizason di tablet e na kazu di surgi algum problema ku aplikason ta ser resolvidu na ora. També sta kontratadu mas di 40 kondutor.

5º Resensiamentu Geral di Populason e Habitason konta ku apoiu finanseru e tékniku di Brasil, di Koprason Spanhol, di Koprason Luxermburgues, di Union Oropeu e di skritóriu konjuntu di PNUD, Unicef e FNUAP.