Show Bizz

Konsertu di ominagem pa Norberto Tavares markadu pa oji na Somada

Kambra di Santa Katrina ta prumovi es sexta-fera, um konsertu di ominagi pa falesidu músiku e kompusitor Norberto Tavares.

Santa Catarina Canta Norberto Tavares é nomi di inisiativa prumuvidu num parseria ku Palásiu di Kultura Ildo Lobo e o Ministériu di Kultura e di Indústria Kriativa.

Iventu ki ta kuntisi na Sentru Kultural Norberto Tavares ta konta ku partisipason di músiku e interpreti Zé Viola, David Rocha e Silvino Tavares.

Zé Viola ta sta kumpanhadu pa Caluca Tavares (tekladu), Pantco (bateria), Marcos (baxu) e Yuri Graça (guitarra).