Show di Bola

Fasi final di kualifikason di Zona di UFOA di Liga di Kampion Femininu agendadu na Sonvisenti

Fasi final di kualifikason di Zona A di UFOA di Liga di Kampion Femininu ta kuntisi entri 24 e 30 di Julhu, na Sonvisénti.

Ikipa kampion di Kabu Verdi, Mali, Libéria e Senegal ta partisipa na prova ki kre prumovi futebol femininu, aumenta numbru di pratikanti e trazi mas kompititividadi pa modalidade.

Ikipa di Seven Stars, atual kampion nasiunal, ta riprisenta Kabu Verdi, Mali ta sta riprisentadu pa AS Mande, Libéria pa Determine Girls e Senegal pa AS Dakar Sacre Coeur.

Arbitru, staff médiku e kumison di organizason sta previstu pa txiga Kabu Verdi dia 18 Julhu. Sorteiu di djogu ta kuntisi dia 22 di Julhu e djogu ta kuntisi na Stádiu Adérito Sena.

.