Show di Bola

Praia Basketball League ta volta es sábado pa Gimno Disportivu Vavá Duarte

Praia Basketball League ku partisipason di sais ikipa local, 15 djugador merkanu, inkluindu Carlos Boozer di NBA e um atleta ki sta bem di Egipto.

Ideia é djuda turismu, impulsiuna ikunumia kabu-verdianu e dá oportunidadi pa jovens atleta sai di país pa ba djuga na strangeru.

Praia Basketball League ki ta ranka sábado, na Gimno Disportivu, ta konta ku partisipason di basketebolista merkanu, Carlos Boozer,midália di oru na Djogu Olímpico di 2008 na Pequim pa Merka e midalia di bronze na Djogu Olímpico di 2004, na Atena e atualmenti ta djuga na Guangdong Southern Tigers, ki sta bem sisti djogu ku interessi na ivesti na kampionatu na Kabu Verdi.

Idison di 2021 di Praia Basketball League ta konta ku konkursu di ikipa CB Cidadela, Ponta d’Água Gorilas, Txada Grande Volcânico, Palmarejo Sharks, Txada Panthers e Plateau Warriors, ki ta integra prujetu “Overseas Basketball Connection”.