Show di Bola

Afrobasket 2021: Seleson nasiunal senior maskulinu dja kumesa pripara próximu djogu

Ikipa nasiunal dja sta na Tarrafal di Santiago ta pripara pa djogu ku Uganda. Seleson sta kumpri prumeru fazi di stagiu, ki ta konta pa djogu markadu pa 17 di Julhu.

Dipos dum priudu di féria, djugador di Real Madrid, Edy Tavares dja sta djuntu ku seleson.

Duranti stágiu na Tarrafal, seleson nasiunal tem dóz sisson di trenu diáriu ti dia 12 di Julhu, dia kes ta sta na Praia pa kumesa sugundu fazi di stágiu pa djogu kontra Uganda, ki ta kuntisi na Gimno Disportivu Vavá Duarte.