Show Bizz

Linguista Manuel Veiga ta lansa oji 2º idison di livru Caboverdiano em 45 Lições

Gramátika di kriolu ta konta ku três anexu novu: Prusessu di Afirmason di Skrita di kriolu di Seklu XIX ti Actualidadi , Seis Regras di Acentuason na Kriolu ((R1-R6) e últimu é sobri txon undi nasi kriolu kabu-verdianu.

Lansamentu di livru di prussor universitáriu, skritor e linguista Manuel Veiga sta inkluidu na silebrason di 46 aniversáriu di Independensia di Kabu Verdi.

2º idison di Gramátika di kriolu ta trazi 250 ixemplar. Aprisentason é ku linguista Karina Moreira e inda ta konta ku partisipason di Gil Moreira.

Na 2002, obra konta ku patrusíniu di UNESCO (Organizason di Naçoes Unidas pa Idukason, Siênsia e Kultura), ku doz mil e 500 ixemplar.