Info Praia

Abertu votason pa 10º idison di CVMA

Elida Almeida, Djodje, Buguin Martins e MC Tranka Fulha ft. Ferro Gaita sta lidera nomiason pa 10º idison di Cabo Verde Music Awards 2020 ku kuatu nomiason kada.

Regulamentu di CVMA ta apresenta 17 katiguria, ma es anu como ka tivi txeu atuason ao vivu pamodi pandemia, organizason risolvi xklui katiguria Midjor na Palku. També katiguria Morna dja ka ta bai pa votu pupular pamodi apenas foi selesiunadu 3 kandidatu e ta bai logu pa final.

Ku aprisentason di 15 katiguria, votason dja sa ta dikorri e ta bai ti fim agostu, undi ta konshedu kes finalista pa prémiu.

Uma década a premiar a nossa música é lema skodjedu pa iventu ki es debi kusta entri 12 e 14 mil kontu.