Show Bizz

Storia di mudjer imigranti kabu-verdiana kontadu na livru

Livru “Cabo-Verdianas de Itália: Histórias de vida à maneira feminina”, di prussora Clara Silva e jornalista Maria de Lourdes Jesus, ta prisentadu oji na Universidadi Jean Piaget di Kabu Verdi.

Obra rializadu num parseria entri Universidadi di Florença (Itália), Universidadi Jean Piaget e iditora Rosa de Porcelana.

Trabadju lansadu ku objetivu di ultrapassa kel diskrison ki normalmenti ta fazedu sobri mudjer imigranti kabu-verdiana como figura passivu e fazel ser inxergadu como protagunista di si storia di inserson susial e Kultural tantu na Itália e dentu Kabu Verdi.

Livru, ta trazi voz di kumunidadi atraves di mudjer kabu-verdiana ki ta narra sis propri xpriensia di imigrason e di personalidadi.