Info Praia

Skola Eugénio Tavares entri kes partisipanti di konkursu internasiunal di kontu infantu-juvenil

Skola primária Eugénio Tavares, na Txada Santantoni, sta riprisenta Kabu Verdi na konkursu internasiunal di kontu infantu-juvenil, ki ta kuntisi oji.

Iventu organizadu pa Assusiason di kumunikason na Língua Português, é pa disperta gostu pa leitura e skrita na português entri alunos di skola di país e region lusófunu.

Na konkursu abertu pa alunu di 5º ti 6º anu, kada skola debi konkorri kum kontu original, ki podi ser produzidu individualmente ô em grupu.

Valor di prémiu é 12 mil e 500 pataca, mueda di Macau, ki ta dá mil e 320 euro. Skola vensidor ta risebi 795 euro, enkuantu ki instituison vensidor na katiguria di ilustrason ta dadu 530 euro.

Prémiu sta divididu na dôz katiguria, na prumeru fazi ta distinguidu midjor kontu inéditu na língua português e na sugundu itapa, ilustrason.

Kontu vensidor ta publikadu na livru ku ilustrason e textu també ta ganha traduson pa mandarim