Info Praia

Prujetu Alma ta lansadu oji na Praia num show intimista

Prujetu Alma, ki ta djunta múnti artista ta prisentadu oji na Praia num show intimista ku objetivu di kria músika ku puema ki ta xpressa identidadi di alma kabu-verdianu.

Spetáklu ki ta kuntisi Dia Internasiunal di Komprenson, ki ta silebradu nes sexta-fera ta konbida artista pa kanta, konta, pinta, diklama e rikria puema di diferenti autor, como forma di abrasa nôs identidadi.

Na show di oji dja sta konfirmadu atuason di tudu kes artista ki partisipa na prujetu sima, Nancy Vieira, Beto Dias, Grace Évora, Zeca di Nha Reinalda, Teté Alhinho, Teresinha Araújo, Lena França, Quim Bettencourt, Body, Khaly Angel, Ana Lisboa e Zubikilla Spencer.