Info Praia
Dsafiu dum diretor di protokolu dja bira livru
1 Jul 2022 @ 11:08Livru “Desafios de um director do protocolo”, di Ana Paula Bettencourt, risultadu dum relatório di stágiu tékniku-sientifiku rializadu na 2015, ta lansadu oji na Praia.
Obra di 137 página sta divididu na doz mumentu, 1º é inkuadradu na aspetu teóriku-sientifiku di studu, dundi surgi titlu di trabadju.
Dja sugundu sta distribuidu na três parti: kontextualizason, inkuadramentu di instituison e diskrison d´atividadi dsenvolvidu, siguidu di konsiderason e rikumendason.
Pa autora, dsafiu dum diretor di protokolu é dexa públiku konxi mison e si atribuison, ta passa informason/formason sobri tema e kumpri lei.
Ana Paula Silveira da Cunha Bettencourt, é lisensiada na Relações Públicas e Secretariado Executivo pa Skôla di Negósiu e Guvernason di Universidadi di Kabu Verdi.