Show Bizz

Somada ta risebi sábadu show di 30 anu di karrera di Kino Cabral

Kino Cabral sta silebra 30 anu di karrera kum show na Somada. Spetáklu markadu pa sábado (16), ta konta ku atuason di txeu artista konbidadu.

Titio di belo, DJ Wilson, Beto Dias, MC Pensador, PCC, Boy Game e Indira é algum di kes artista, ki ta kumpanha kantor nes show spesial pa sis fã.

Na Show ki txoma “Kino Cabral & Amigos – Show 30 anu di Karreira”, kino ta lansa si novu single “Ka bu preocupa”.

Aquilino António Cabral mas konxedu pa Kino Cabral, nâsi na 1967 na lukalidadi di Poilon di Boa Entrada, na konsedju Santa Catarina (Santiago). Artista kumesa si karrera ku Livity e lansa si 1º disku “Materialistas”, na 1992.