Show di Bola

Stádiu Munisipal di Santa Cruz ta inoguradu oji dipôs di alguns mudansa

Obra di riabilitason di Stádiu Munisipal 25 di Julhu ta inoguradu oji na konsedju di Santa Cruz.

Inogurason, ki ta fazi parti di prugrama di festividadi di santu padrueru, Santiago Maior, ta konta ku prisensa di primeru-ministru, Ulisses Correia e Silva, prisidenti di kambra, Carlos Silva e sikritária-geral di Fiderason di Futebol (FIFA), Fatma Samoura.

Riabilitason di infra-strutura disportivu kusta 120 mil kontu, di dinheru, 90 mil kontu di orsamentu munisipal e 30 mil kontu di FIFA n’ambitu di “Prugrama Forward” pa poi novu relvadu di kualidadi.

Além di novu relvadu, dja sertifikadu pa FIFA, obra ta kontempla bankada, balniariu, cabine pa imprensa, túnel di entrada, markador ilectróniku e otus.