Show Bizz

Lucibela sta prisenta Amidjer num tour pa Merka

Dipôs di Praia e Mindelo, Lucibela dja anunsia aprisentason di si novu disku num tour pa Merka.

Trabadju ki txoma Amidjer, é sugundu kantora, um ominagem pa mudjeris di mundu e prinsipalmenti pa mudjer kabu-verdiana.

Disku trazi kompusison di propri kantora e d’ autoris sima, Spencer, Luís Lima, Toy Vieira, Tibau Tavares e Elida Almeida, Ary Duarte e Daya. Trabadju inda ta bem kum boleru skritu pa artista kubanu Emílio Moret.

Tour di aprisentason di disku pa Merka ta kumesa dia 06 di Sitembru. Ti dia 23 di mesmu mês, kantora teni prugramadu 12 show, ki ta passa pa Nova York, California, Chicago, Portland, Seatle, Bloomington e Minneapolis.