Show Bizz

Stilista Kenny Flanagan konfirmadu na gala Miss Cabo Verde International

Rinomadu stilista Kenny “KAS” Flanagan ta sta na gala Miss Cabo Verde International agendadu pa dia 13 di sitembru, na Praia.

Designer e diretor kriativu di KAS Collection LLC dja trabadja ku artista sima Rihanna, Trey Songz, Alicia Keys e Keyshia Cole e inda ku marka sima YSL, Gucci e Burberry.

1º idison di Miss Cabo Verde International ta konta ku partisipason di 20 finalista di diferenti ilha, skodjedu através di casting e votason di públiku.

Di 14 des mês ti 07 di setembru, minis ta sta na Cidade Velha, undi es ta passa pa um stágiu dirigidu pa spesialista internasiunal na diferenti área.

Iventu sta orsadu na 15 mil kontu e vensidora di konkursu pa ba riprisenta Kabu Verdi na Japon, ta tem um saláriu mensal di 50 kontu duranti um anu. Dja prumera -dama ta dadu 150 kontu e 2º dama, um kuantia di 100 kontu dia di iventu.

Vensidora di konkursu Miss Cabo Verde Internasiunal també ta kontratadu pa organizason di CVI como embaixadora di marka duranti si reinadu e otus marka nasiunal e internasiunal. Inda é ta viaja pa Merka e otus país di Oropa pa buska fundu pa desenvolvi di prujetu susial.