Info Praia

Mudjer di interior di Santiago priparadu pa usu ifisienti di agu na agrikultura

Serka di 250 mudjer di interior di Santiago sta benefisia di 1º idison di kursu Mudjer na Agrikultura, Rega e Mudansa di Klima. Ideia é ruduzi kustu di produson di agu e aumenta produson na agrikultura.

Kursu, ku durason dum mês, dadu pa Ministériu di Idukason através di Direson Nasiunal di Idukason é finansiadu pa Agênsia Spanhola di Koprason Internasiunal e Dsenvolvimentu. Formason ta kusta serka 30 mil euro.

Objetivu é sensibiliza mudjer agrikultora ki ta trabadja na kampu sobri vantagem e importânsia di utilizason di rega gota a gota pa usu efisienti di águ.