Info Praia

11º idison di CVMA sta abrasa prujetu di luta kontra abusu sexual infantil

Mário Marta sta lidera lista di artista nomiadu pa Cabo Verde Music Awards ku 4 nomiason. Si traz sta June Freedom, Dino D’Santiago e MC Prego Prego ku tres indikason kada.

Dja Dynamo, Elida Almeida, William Araújo, Dieg, Nenny, Rapaz 100 Juiz, Batchart, Neuza e Mureno risebi doz nomiason kada es. Kes ristanti artista sta nomiadu na um katiguria.

Gala ta kuntisi dia 01 di Otubru, Dia Mundial di Músika, na largu Amílcar Cabral e bilheti pa iventu ta kumesa bendedu es simana.

Idison des anu sta apoia luta kontra violensia basiadu na géneru e violensia sexual kontra kriansa e adulensia.