Info Praia

Presu di kombustível omenta na setembru

Ultimu atualizason d´ Agênsia di Rigulason Multissectorial di Ekonomia (ARME), ta mostra ma presu di kombustivel omenta un média di 9.75 por sentu nes mês di setembru.

Gasóleo komum subi pa 137 skudu i 90 sentavu pa litru, enkuantu ki gasolina subi pa 155 skudu i 10 sentavu i petróleo pa 152 skudu i 30 sentavu. Gás butanu di 12 kilu i meio sta pa mil i 755 skudu, di 6 kilu pa 842 skudu i di 3 kilu pa 400 skudu.

Análise persentual di merkadu internu ta mostra ma presu di Butano, Gasolina, Petróleo, Gasóleo Normal, Gasóleo Eletricidade, Gasóleo Marinha, Fuelóleo 380 e Fuelóleo 180 aumenta na 13,32%, 5,30%, 10,76%, 10,32%, 11,50%, 11,53%, 7,25% i 8,02%, respetivamente.