Info Praia

Skolas di Santiago e Sal stá resêbi prujetu-pilotu di ensinu di língua pa minins di 2º ti 6º anu

Fundasôn suéku Akelius dja kumesa um prujetu pilotu di ensinu di língua na sinku skola di 2º ti 6º anu.

Prujetu promovidu num parseria ku UNICEF ta benefisia skolas di Praia, Són Dumingus, Rubêra Grandi Santiago e Sal.

Objetivu di iniciativa ê promovi diversifikasôn pedagógiku di ensinu e aprendizagem di língua purtuguês, francês e inglês.

Num 1º fazi ta insentivadu interasôn entri alunu e aplikativu, ku foku na kumunikasôn oral.

Fundasôn Akelius (Business School) ê um instituisôn sem fim lukrativu, ku sédi na é Suécia, kriadu pa apoia alunos ku bolsa e subsídiu pa studu e invistigasôn e kontribui pa dzinvolvimentu di kursu kurrikular.