Info Praia

Prujetu Praia + Inclusiva ta kumêsa implementadu na Eugénio Lima, Simão Ribeiro e Kastelôn

Djá kumêsa konstrusôn di kaza banhu na três bairru di kapital, na âmbitu di prujetu Praia + Inclusiva.

Ness pruméru fazi inisiativa ta ser implementadu na Eugénio Lima, Simão Ribeiro e Kastelôn.

Prujetu di Kâmara di Praia stá pretendi konstrui 206 kaza banhu na kês três bairru: Eugénio Lima ku 94 kaza banhu, Kastelon ku 54 e Simão Ribeiro ku 58.

Inisiativa Praia + Inclusiva ta pretendi pripara zonas pa atingi Objetivu di Dzinvolvimentu Sustentável.

Prujetu di Kâmara da Praia ta pretêndi garanti inklusôn susial di sidadi ku ampliasôn di rêdi públiku di distribuisôn di água e saniamentu, ligasôn internu e konstrusôn di kaza banhu.